2nd lang ang UP

noong nag-umpisa na ang palabas sa TV e alam kong nagkamali ako sa pagdecide na hindi sumama sa Araneta Coliseum kanina. pinakita yung crowd tapos nagrollcall ng schools at nagcheer ang mga tiga-UP. alam ko dapat isa ako sa mga boses na yon pero andito lang ako sa bahay at nanonood. alangan namang sumigaw ako ng UNIBERSIDAD NG PILIPINAS cheer dito sa bahay.

pero sinyales na rin siguro ang pagkawalan ko ng boses kaninang umaga. siguro kung nagpilit pa akong sumama e tuluyan na akong magmimistulang pipi bukas. grabe may sipon ako at walang boses, ang saya-saya.

-------------------------------------

nung nakita ko yung routine ng UST alam ko ng sila na ang panalo (kahit hindi pa nagpeperform ang UP). they got the moves and they are wonderful! alam ko dapat love your own pero i must be honest, magaling talaga sila kanina.

dance troupe sila, naalala ko na naman na may nagsabi sa'king ok lang kahit hindi marunong sumayaw ang cheerdancer pero hindi pala ito totoo. anagkaroon ng diversity yung types ng dance ng USTE kasi marunong silang sumayaw.

naalala ko rin yung sinabi nung kaibigan ko: pwede kang pangcheerdancing. ako: ha? bakit?. kaibigan ko: e sumasayaw ka naman e. ako: nyak di ako pwede sa cheerdancing no.

bakit ko nga ba naisip na hindi ako pwedeng pangcheerdancing? ito ang ilang rason na naisip ko:

1. di ko kayang magsuot ng uniform ng cheerdancer. baka maraming mag-aklas at sabihing di nila kayang tanggapin na magsusuot ako ng damit na nagpapakita ng laman, kasi hindi laman ang makikita nila kung di TABA.

2. di ko kaya ang smile nila. sabi nga ni Ate Vicky ang dancer hindi nagchecheerleader smile, dapat pinapakita nila ang feelings nung sayaw. ok lang sa'kin yun di naman ako palangiti at lalo namang di ako nakangangang sumayaw.

3. di ko kaya yung mga cartwheel, etc. basta di ko sila kaya e kaya ayoko.

4. feeling ko mas accident-prone ang cheerdancing. kita naman di ba kung bakit.

basta feeling ko talaga di ako pwede dun.

Habang nanonoood ako ng compet kanina e kumakain ako ng siopao. siopao at UST. naalala ko tuloy si siops na nag-aaral sa UST. miss ko na ang siops ko. nung 1st year college pa kami huling nag-usap.

-----------------------------------------

di kita nakita kanina. nawala yung cellphone ko kaya wala na yung number mo at baka hindi na rin naman yon yung number mo. sayang di ko man lang na-try na i-text ka kahit baka hindi na yon yung number mo. nakita kita nung isang araw sa tapat ng Quezon Hall pero asa jeep ako nun at kahit di naman ako nasa jeep non baka hindi rin naman kita pansinin, snob ako e (joke). hindi naman rin tayo nagpansinan nung nagkita tayo malapit sa Vanguard non pero nakita kong tinignan mo ako. naaalala mo pa ba ako? malamang no, ewan ko na lang kung nakalimutan mo na ako. babatukan kita hehe joke lang : )