May Kakaibang Gripo sa Banyo ni Schedar Jocson

vani, ito na yung story ni Schedar Jocson. nabasa mo na ba yung Intellectual Mass Starvation?

Namamaga ang puki ko.

Hindi ko alam kung bakit nagkaganito ito. Sinimulan ko nang patuluin ang tubig sa balde habang nagtatanggal ako ng damit para maligo pagkagaling sa eskwelahan. Pagkatanggal ng panty, iyon na ang nakita ko. Mamula-mula at nakaumbok. Gusto ko man sabihin kay Nanay ang nangyayari, may demonyo naman na pumipigil.

Tanghali na ako nagising kanina — 5:30 ng umaga. Galing pa ako ng Paranaque at 8:30 ang klase ko.Matagal akong maligo, dahil tinitiyak kong wala ni isang libag ang natitira sa katawan ko. Kaya nga puro sabon ang nasa banyong iyon. Syempre, bago ako umalis ng banyo, kukuskusin ko nang maigi ang puki ko, gamit ang feminine wash na binibili ni Nanay (Pepeng Patis kasi ang tawag sa akin nung bata ako). Ito kaya ang rason kung bakit namaga ang ari ko? Malamang hindi. Tulog pa kasi ang mga tao sa bahay nang ganung oras.

Mula sa EDSA, kung saan dumadaan ang bus na sinasakyan ko, bababa ako ng Aurora at saaakay ng dyip papunta ng R-Magsaysay Blvd. Ba't sa sampung santong kamalas-malasan, nasakyan ko pa ang jeep na may lumang kaha at pakiramdam ko ang upuan nito, binabahayan na ng surot. Wala na akong magawa, 7:30 na at ma-le-late na ako. Tapoi yung mama sa tabi ko, parang tsinatsansingan pa ako. Nakakainis dahil bukod sa bastos na ginagawa niya, kamukha niya pa yung kinasusuklaman kong tao.Buti na lang at hindi naman niya nahawakan ang puki o dede ko. Malas niya. Kung surot man ang dahilan ng pamamaga ng puki ko, swerte naman nung surot na iyon, nadapuan niya puki ko, nakagat pa. Wala naman akong naramdaman.

Pagkadating ng jeep sa kalye na tinutumbok ang gate ng eskwelahan ko, dali-dali akong bumaba at nag-walkathon papuntang third floor ng CAS building. Muntik pa akong matisod sa second floor dahil letcheng mga freshmen yan, nakaharang sa daanan. Buti nalang wala pa yung terror na propesor ko kaya nakaayos pa ako. Tamang-tama naman na dumating ang pinagpapantasyahan kong kaklse. Ewan ko kung anong pangalan, ang alam ko lang Info Tech sya. Tsaka pag nag-sex kami, sasabihin ko ba ang pangalan niya? Parang nakuryente ako sa kilig nang tinanong niya kung dumaring na si Ma'am. Ang sarap halikan at sabihing 'Tanga, may nakita ka na bang gurang dyan sa harapan?" Dahil nga crush, pa-cute kong sinabing "hindi pa". Ngumiti siya sa akin, at naku, hindi kaya sa biglaang pag-reach ng orgasm kaya namaga ito? Hindi naman. Nung nakaraang gabi, nangyari rin naman ito, pwro wala namang nangyari.

Hindi dumating si Ma'am. Yes! Next meeting pa ang reporting ko. Matagal pa ang susunod na klase ko, ala-una pa kaya tumambay na lang ako sa org. Kinasusuklaman ko man ang mga tao dun, wala akong magawa. Plastikan na lang. Sige lang nang kwento yung mga babae dun tungkol sa pinaka-latest na commercial ng Libresse. Weird daw na lalaki ang endorser ng napking pambabae. Kesyo hindi naman daw nila alam kung paano magka-regla. Tinanong nila ako kung ano sa palagay ko. Sabi ko naman, bakit si Angela Velez din naman, nag-endorse ng condom kahit hindi naman niya sinusuot Natahimik sila.

Hindi kaya yung mint flavor na condom yung dahilan nitong pamumula't pamamaga? Hindi. Mag-iisang linggo na nung nangyari iyon. Yung taga-frat na malapit sa tambayan ko yung gumalaw sa akin. Imposible yun.

Alas-onse nang umalis ako sa tambayan. Pumunta ako sa labas para bumili ng sanitary napkin ko, yung Whisper with Wings, for Regular Flow. Hindi naman kasi ganong kasakit ang buwanang dalaw ko. Mrumnong din itong makisama. Nakita ko pa yung dati kong kaklase sa high school, at nagyaya na kumain daw kami kay Aling Maring, Pagdating sa kainan, nakahanap kaagad kami ng upuan. Nauna siyang bumili habang nagbabantay ako ng gamit namin. Sa paghihintay, kinalkula ko kung kailan ako huling dinatnan. Minabuti kong mag-CR para maglagay ng napkin pagkadating ng kaibigan ko. Pagpasok sa banyo, umalingasaw sa akin ang sangsang ng CR. Nanunuot sa ilong ang amoy. Saka ko lang naalala na bukod sa masarap na inihaw na baboy, kilala ang kainan ni Aling Maring sa pagkakaroon ng pinakamaruming banyo sa lugar na iyon. Hindi sana ako uupo sa inodoro, kaya lang napaihi ako. Matapos umihi, nilagay ko na yung napkin. Bumili ako ng lunch.

Hindi kaya sa paggamit ko ng CR na iyon, may kung anong germs ang dumikit sa balat ko? Hindi naman siguro. Bakit naman sa banyo namin sa bahay, marumi siya, yun nga lang may kakaibang germs na naroon.

Bago mag-ala-una nang nagyaya na akong umalis. May klase pa ako. Nilakad ko na ang building ng Accountancy and Finance mula sa kainan. Exercise. Kinilabutan ako tuwing dadaan ako sa may tabi ng talahiban malapit sa sapa. Parang isang setting ng rape scene sa TV. Nakakatakot, lalo na pag yung rapist, nanlilisik ang mga mata at karnal ang mga ttrig. Diretso lang ako sa paglalakad sa ilalim ng tirik na katanghalian. Pumasok na ako sa room namin. Malamig.

Hindi kaya napasma yung puki ko kaialakad? Ibang epekto naman siguro yun.
Matapos ang klase ko, naglakad ako nang kaunti, papuntang kanto. Dumaan ako sa ihawan at kumain ng isaw, bumili ng sago-gulaman at limang pisong fishballs. Matapos kumain, umuwi na ako. Wala naman akong naramdaman na kung anumang pangangati sa puki ko mula noong kaninang umaga hanggang sa pag-uwi ko. Kaya nga laking gulat ko nang nakita kong pula na ito at nakaumbok pa.

Ito na nga ang tumambad sa akin sa banyo. Ang namumulang puki ko. Ginamitan ko nga ng feminine wash. Pero, hindi tulad kaninang umaga na kinuskos ko nang todo, marahan ko itong dinampian ng kamay ko. At nawala ang pamumula.

"Siguro, maliit na ang panty mo" ang sabi ni Tatay, habang patuloy ang pagtulo ng tubig sa balde.